KASALUKUYAN na kami ngayong naririto sa baranggay Sta. Fe sa lugar kung saan may magaganap na subastahan.
Alas otso trenta na ng gabi at marami na kaming natatanaw na mga nagsisidatingan at nagsisipasukan sa isang malaki at napakataas na gate. Maging ang mga bakuran na nakapalibot sa gusaling ito ay napakataas din.
Sinisiguro talaga nilang secured ang lugar nila. Isang grupo rin ng mga armado ang bantay nila sa gate at iniinpeksiyong mabuti ang mga papasok, maging ang mga sasakyan.
"Sigurado ka ba na makakalusot tayo d'yan?" tanong ko kay Gab habang nananatili kami sa loob ng kotse niya at nakahinto sa hilera ng mga sasakyan dito sa labas.
Maging dito sa gilid ng kalsada ay nagsihilera rin ang dami ng mga mamahaling sasakyan na pag-aari ng mga matataas na taong bisita nila ngayon. Ka
