Nang malaman niyang nagbalik si Jether mula sa ibang bansa, nagpanic si Chad. Kung siya lang talaga ang masusunod, gusto niyang maikasal na sila kaagad ni Audrey. Gusto niyang ipakita sa lalaki na isang pagkakamali lang ang nangyari sa kanila noon at hindi siya bakla. Gusto niyang patunayan kay Jether na kapwa lang sila lasing noon at hindi niya ginusto ang nangyari.
Kaya lang ay medyo nag-alinlangan siya sa kanyang sarili. Noong wala sa bansa si Jether ay malakas ang bilib niya sa kanyang sarili na kaya niyang magpakalalaki habang-buhay. Balang araw ay kaya rin niyang harapin si Jether at sabihin sa mukha nito na hindi siya naging hayuk sa laman ng lalaki tulad ng ibinintang nito sa kanya.
Pero bakit ganun? Ilang taon na ang nakalipas ngunit masyado pa ri
