Edna
"Kiss me," usal ko. Napatitig sa akin si Jethro.
"Say it again," utos niya. Ngumiti ako sa kanya kasabay ng aking pag-iling.
"Nasabi ko na. Ayaw ko nang ulitin pa," pagmamatigas ko. Umangat ang sulok ng labi nito. Ngunit kapagkuwan ay bigla na naman siyang naging seryoso. Buong akala ko ay may sasabihin pa siya dahil bumukas ang bibig niya. Ngunit sa halip na magsalita siya ay bigla na lang ako nitong hinalikan.
Ang kanyang halik ay puno ng sari-saring emosyon na hindi ko mapangalanan. Puno rin iyon ng pananabik na para bang ilang dekada niyang pinanabikan na matikman ang aking mga labi. Gumanti ako sa paraan ng halik nito. Ibinalik ko ang init na pinapadama nito sa akin.
Namalayan ko na lang ang malamig na pader sa aking likuran nang alalayan niya akong maglakad paalis sa ilal
