"Hindi ka ba pupunta sa burol ni Cara?" masuyong tanong ni Paris. Huling gabi na mamaya ng lamay ng kaibigan nito. Pero heto pa rin si Belle iyak nang iyak. Halos ayaw kumain, nagmakaawa pa para lang isubo nito ang pagkaing inihanda niya. Mugtong-mugto na ang mga mata. Hindi na rin natuloy ang plano nilang pumunta sa cabin. 'Di rin pumapasok si Paris sa office. Nakausap na niya si France ito na raw ang bahala. Pero alam niyang hindi rin okay si France. Para na nga itong robot sinabayan pa ng kanyang ina na hindi pa rin matanggap ang nalaman tungkol kay Van.
"Hahayaan mo na lang bang mailibing siya na 'di ka sumisilip man lang? Halika na, pupunta rin si France mamaya!" dahan-dahan siyang bumangon at yumakap sa asawa. Kay Paris na lang siya kumukuha ng lakas ng loob. Tama ito, baka magtampo
