KABANATA 63:
NAGMAMADALING HINATAK NI Dalee si Caro palabas ng botique. Nagtataka naman si Caro dahil hindi naman ito ganito kanina. Hindi siya makapaniwalang hinahatak siya ni Dalee palabas na mukhang nagmamadali pa!
“Dalee! T-teka lang! H-huwag ka namang magmadali, baka madapa tayo— whoa!”
At dahil nga sa pagmamadali nilang dalawa, natapilok si Caro. He was about to fall when Dalee quickly caught him. Imbes na mag-landing sa matigas na sahig, sumubsob siya sa may dibdib ni Dalee.
Natigilan, napakurap si Dalee habang hawak ang malapad na balikat ni Caro. Umawang ang labi niya, ilang saglit pa ay mabilis niya itong itinulak palayo na naging dahilan para mapaupo naman ito sa hagdan! Hindi nga natumba sa sahig, napaupo naman sa hagdan!
“Hala! Sorry!” Dinaluhan niya si Caro para tulungan
