KABANATA 26:
HINDI NA KUMIBO si Dalee matapos malaman na may kakilala pala si Caro sa kabilang station… Hindi lang doon, at sa marami pa kaya madaling nahuli ang mga suspect. Hindi niya na alam ang iisipin tungkol kay Caro. Dumagdag pa iyon sa kanyang paghihinala. Isa lang ang kanyang nasa isip ngayon, kailangan niyang dumistansya kay Caro kahit pa kay Andres ang gamit nitong katawan, at the same time, iimbestigahan niya ang ginagawa nito.
Hindi pa natatapos ang kasiyahan ay nauna nang magpaalam si Dalee na uuwi na.
“Bakit ang aga mo naman yatang uuwi?” takang tanong ni Prosecutor Hana.
“Medyo sumama po kasi ang timpla ng tiyan ko,” pagpapalusot niya. “Pasensya na ho talaga.”
Ngumuso ang Prosecutor, naninigkit ang mga mata niya dahil medyo lasing na ito. “Ganoon ba? Wala na akong kas
