KABANATA 25:
KANINA PA HINDI mapakali si Dalee sa labas ng apartment ni Andres. Hindi siya sigurado sa kung ano na ang nangyayari sa dalawa, sana lang ay paglabas ng mga ito ay magandang balita ang marinig niya.
Si Andres, mahilig at magaling itong mag-ipon ng pera. Kaya nga hindi masyadong bumibili ng bagong damit ay para maitabi nito ang sobra sa kanyang sinusweldo. Pangarap niya talagang mag-invest sa isang kumpanya, pero dahil makulit itong si Kokoy, sa kanya siya nag-invest. Ang masaklap nga lang ay maling-mali pala na nagpakulit si Andres sa kanya. Kaya hindi siya papayag na ang pinag-ipunan ni Andres ay mawawala lang nang parang bula dahil sa sinabi ni Caro na hindi na kailangang bayaran ni Kokoy.
Hindi niya alam kung inabot ba siya ng isang oras sa labas sa kahihintay na lumabas
