KABANATA 16:
SA PAGKAKATAONG IYON ay napagtanto ni Caro na naisahan siya ng mga suspect. Kaagad na naglabas ng baril ang lalaking nagmamaneho ng taxi saka itinutok sa kanya.
“Sino ka? Bakit mo kami minamanmanan?”
Hindi nagsalita si Caro. Hindi niya pwedeng sabihing isa siyang pulis lalo na at kapag nalaman nito’y paniguradong malalaman na ng suspect na pinaghahanap sila. Iniiwasan ding malaman ng media kung saan ang naturang lugar na kanilang iniimbestigahan dahil siguradong sa oras na matunugan sila ay siguradong makagagawa ng paraan ang suspect para makatakas.
Ngayon, natuklasan na niyang hindi lang isa ang suspect. Malakas ang kutob niyang sindikato ang mga ito dahil alam niya ang kilos at galaw ng mga ito.
“Sumagot ka!” sigaw nito nang hindi siya sumagot sa tanong.
“Kapatid ko an
