KABANATA 15:
“ANONG GINAGAWA NG serial killer na ‘yan?” takang tanong ni Caro habang nakikisulyap sa mga file na ibinigay sa kanila kanina ng prosecutor.
Hindi kumibo si Dalee, pero napansin niyang ang lahat ng pinatay ng serial killer na ito ay kalbo ang na nang matagpuan. Kaya ba alyas buhok ang tawag ni COP Niel kanina? Nang ilapag ni Dalee ang file sa ibabaw ng kanyang lamesa, kaagad naman niya iyong dinampot at binasa ang report. Nabasa niya roon na ang main target ng killer ay iyong mga babaeng may mahahaba at healthy na buhok. Nabanggit din doon na tila ba fetish iyon ng serial killer. Pero may pakiramdam si Caro na hindi ito basta fetish lamang.
Nagkatinginan sila ni Dalee, para bang pareho nilang naiintindihan ang isa’t isa. Kaya naman agad nilang pinuntahan ang hospital na p
