KABANATA 56:
KANINA PA SILA nakapaghanda para sa gagawing raid sa isang pier kung saan magkikita si Domingo Dolorosa, maging ang kausap nitong si Solomon Sanchez. Isa rin si Solomon Sanchez sa mga pina-iimbestigahang lider ng gang at kung sabay na maaktuhan ang mga ito na nagpapalitan ng kontrabando, paniguradong jackpot sila.
“Okay na ba?” tanong ni Caro kay Dalee matapos nilang ikabit ang earphones sa kanilang tenga.
Busy si Dalee sa pagsusuot uniporme. Nakahanda na rin ang mga SWAT team na kasama nilang mag-r-raid. Kanina pa sila nakaabang sa signal ni Agent Lourd Falcon ngunit kanina pa rin ito hindi tumutugon.
“Sa tingin mo may nangyari na kayang masama kay Agent Falcon?” nag-aalalang tanong ni Dalee.
Hindi kumibo si Caro. Hindi rin niya alam kung ano ang isasagot kay Dalee dahil
