Racing Hearts (De Silva Series: 2nd Generation)

Chapter Fourteen

"Better to eat a dry crust of bread with peace of mind than have a banquet in a house full of trouble." - - Proverbs 17:1

**

Chapter 14

Ruth

The kiss lasted for about a minute. Nagsisigawan ang mga bisita. Nagkikislapan ang mga flash ng kanilang camera sa dalawang pareha na tila wala lang para sa kanila ang pagpyestahan ang kanilang magkahugpong na labi.

Kuya Nick tapped my right shoulder. Napaigtad ako. Nagulat ako. Hindi ako namalayan na nasa tabi ko pa pala siya. Akala ko, tulad ni Red ay nakahanap din siya ng lalapitan. Either his friends o kamag anak.

Naghiwalay na ang mga labi ni Dylan at ate Mica sa isa’t isa nang balingan ko si kuya Nick.

He was grinning. Suminghot pa siya na para bang nakaamoy ng masarap na pagkain sa hangin.

“Nalilito ako sa inyong dalawa ni Dylan. Kayo ba talaga o nag a assume lang ang isang ‘to?”

Inirapan ko siya. Mas gusto kong tumingin sa ibang direksyon kaysa ang ibalik kina Dylan ang paningin ko. Nakakita ko ang isang pabilog na mesa na walang tao. Lumakad ako palapit doon. Medyo tago ang pwesto mula sa pinagpipyestahang couple.

Sumunod si kuya Nick sa akin. Nagtawag siya ng waiter para dalhan kami ng inumin. Nasaan kaya sina Dulce?

“As far as I know, I am single.” I murmured.

Tiningnan ako ni kuya Nick. I didn’t know kung ano’ng naglaro sa mata niya. Hindi ko siya sinalubong ng tingin. Nang babaan kami ng inumin ay doon ko binuhos ang atensyon ko. Then, I took out my phone to text Dulce.

Ako:

Nandito na ako. Where are you?

Kahit si Red nawala rin. Narito rin kaya si Cam?

“But you’re not free to mingle.”

I heard kuya Nick murmured.

Nag init ang pisngi ko. There was something beneath his words but I didn’t want to assume. I knew that Dylan and him are pretty close. Anumang i-produce ng dila ko ay t’yak na makakarating kay Dylan. Kaya hindi na lang ako umimik.

I just looked around the venue. Nilakasan na ang background music. Bumuhos ang mga pagkain at inumin. May dumating pang mga bisita. Iyong iba ay mga anak ng pulitiko, celebrity at socialite. Marami akong nakitang mga modelo rin katulad ni ate Mica. May foreigners din.

“I think, nasa loob ng bahay sina Yandrei.” Turo ni kuya sa nakabukas na french door.

Sumimsim ako sa high glass ko. It’s a champagne. Tumango ako sa kanya.

“Muk’ang busy na nga. Hindi ako niri-reply-an.” Ngisi ko.

He then asked me to go inside the house. May ilang bumati kay kuya Nick at sa akin. Karamihan mga babae. Magaganda at sexy. Iyong isang humarang sa kanya ay niyapos pa siya sa leeg at biglang hinalikan sa labi. Natawa lang si kuya Nick at umiling. Muk’hang hindi naman lasing ‘yung girl. Kumindat pa siya kay kuya bago naglakad pabalik sa kanyang mesa.

The party was loud and very much alive. Para kang nasa club. May malilikot na ilaw sa labas at loob ng bahay. May nagsasayawan na rin at kanya kanyang dance move sa pwestong maibigan. Walang rules. Walang inhibitions.

Habang naglalakad kami, hindi pa rin humihina ang malakas na kalabog sa dibdib ko. Maraming taong nakakilala sa akin. I mean, I didn’t mind them entirely. They knew my story with the de Silvas. Sa tagal kong hindi pumupunta sa mga ganitong kasiyahan, nakaramdam na ako ng pagkailang.

Women here rampantly check my outfit. Before, marami akong branded clothes, bags, shoes and even makeups. My hair was not bad pero regular kaming nagpapasalon ng mga babae kong pinsan. Now, nagtitipid na ako. Ako na nga lang ang gumugupit sa fly aways ko. Madali lang naman ‘yon. Ang hindi ko lang kaya ay ang i-style ang buhok ko. But I think, I don’t need it right now.

Pagkatapos akong haguran ng tingin, nakapasok na kami sa loob ng bahay. Mas masikip rito. Mas maingay at mas magulong tingnan.

Hinanap ko sa sala ang mga pinsan ko. May mga humaharang sa amin kaya hindi ko masipat nang maayos. Medyo madilim pa.

“Hey, Nick!”

Huminto na naman sa paglalakad si kuya Nick. Ang dami namang kaibigan nito. Napabuntong hininga na lang ako at nilagpasan na siya. Sumiksik ako sa mga nagsasayaw sa gilid. May mga nakasandal sa pader. Nag uusap. Umiinom. May iba naman sobrang magkakalapit ang mukha. May isa pa akong nakita na ang mukha ng lalaki ay nayupyop na sa leeg ng babaeng nakasandig sa pader. Some looked like they had their own world. Para bang ginawang escape ang welcome back party na ito.

Ginalaw ko ang ulo ko pakanan at pakaliwa. “’Asan na ba ‘yon?” chineck ko ulit ang phone ko. Huminto ako sa paglalakad nang makitang may reply sa akin.

Dulce:

We’re at the garden, ate. Sa likod bahay.

Tinaas ko ang ulo ko at tumingkayad para makita ang kabilang bahagi ng bahay. I saw another French door. It was opened, too.

“Kuya Nick!” tawag ko sa pinsan ko.

I saw him still talking with his friends. Napako na siya roon at parang wala pang balak na umalis. Kaya nagkibit balikat ako at nagtungo mag isa sa garden sa likod bahay.

Nagkipagsiksikan na naman ako sa mga bisita. Halu halo na ang amoy nila. Mayroong amoy alak ang hininga at amoy sigarilyo. Medyo mausok na nga rin ang loob kaya hindi ko maiwasang magtakip ng ilong habang nag e excuse.

My steps were careful. Iniiwasan kong may maapakan ang paa. So, most of the time, sa sahig ako nakatingin habang naglalakad patungo sa garden.

Nang maramdaman kong may humaplos sa baywang ko, hindi ako agad na nag panic. Sa isip ko, sa sobrang siksikan kaya hindi na nagkakakitaan ang mag partner. Plus, factor pa na nakikiraan ako.

But then, someone really grabbed my waist and halted me from the crowd. Nagsasayawan ang mga taong pumapagitna sa akin at sa taong humapit sa baywang ko.

My instant reaction was to continue walking. But when I did that, another arm snaked in my waist and totally grabbed me out from that crowd. I felt his body behind me and I knew then that he has big built. Niyuko at hinawakan ko ang malalaking brasong humuli sa baywang ko. That arms looked familiar. Pero nagpumiglas pa rin ako. Not exaggerated. Just a casual tapping to prevent myself to be the center of attention here.

Hinigit niya ako papunta sa gilid. Nalayo ako sa French door. Medyo nakaramdam na ako ng hiya dahil sa itsura naming dalawa. Some, looked at us. Some, didn’t. Naging paatras din ang hakbang ko. Nang makarating kami sa mas maluwang at nakakahingang parte ng bahay, itinulak niya sa pader at halos ipako ako roon.

Dim ang pwestong ito. Sa tingin ko ay hallway ito papuntang bathroom. Sa kanan ko kasi may isang puting pinto at isang paso ng halaman sa tabi nito. Dylan put his right arm above my head. His one knee parted my thighs and glued there. He lowered his face so I could see his devouring eyes.

I did look up at him. Sa bilis ng ginawa niya sa akin, mas namangha ako pagkakita sa kanya. And his eyes were even looked drowsy. Kahit madilim sa pwesto namin, kita ko pa rin ang pamumula at pagka moist ng labi niya. Katulad noong lumabas kami sa cubicle ng banyo sa island ng mga Montevista.

His side lips moved upward. Ginapangan ako ng kaba o takot ba ‘to? I smelled liquors in his breath. He didn’t look tipsy, though. But he looked sleepy.

Hindi ako nakapagsalita. Kundi tumitig lang ako sa mata at labi niya. I was holding my bag tightly in front of my chest.

He then, lowered his head to capture my lips. My head screams, ‘No!’ Kaya iniwas ko ang mukha ko para hindi iyon tumama. Sa halip, mababaw niyang hinalikan ang pisngi ko. Kinilabutan ako. Mas lalong nagwala ang t***k ng puso ko!

He softly chuckled.

“I can’t attack you, hm?”

“Go away.”

Tinulak ko siya. Iisa pa lang siya pero sobra na akong nakukulong sa katawan niya. Tumawa pa siya ulit pagkatapos ng unang tangka siyang itulak sa dibdib niya. Hindi natinag. Hinawakan pa niya ang kamay ko at inipit sa palad niya.

“I just see you here. Pinapaalis mo na ako? Hindi mo ba ako na-miss, babe?”

I gritted my teeth. I glared at him sideways.

“Lumayo ka. Maraming makakakita sa ginagawa mo sa ‘kin.”

Hindi lang ‘yon, bahay ito ni ate Mica. Ano ang sasabihin no’n kapag nalaman niya ang ginagawa ni Dylan dito sa akin? Talaga yatang makapal ang mukha nitong ni Dylan at wala na siyang pakielam. Naiinis ako sa ginagawa nyang pag corner sa akin sa sulok.

“’Wag mong palaging isipin na gusto ko ang ginagawa mong ‘to, Dylan. Nawawalan ka na ng respeto sa akin bilang babae.”

Maybe he saw me as his toy or see me as garbage. Nothing. No value. Nah. But I guess, hindi ko na mababago ‘yon sa kanya. Kung ayaw niya sa akin, edi ‘wag. Pero ibang usapan na kapag ganitong harap harapan niya akong binabastos. Biglang hahatakin sa sulok at balak pang halikan. Knowing that he just kissed a woman in front of me.

I didn’t stop the kiss just because he kissed another woman. I stopped him because I knew it wasn’t right.

I saw him halted. Nalusaw ang mapaglaro niyang ngisi. He tsked and stepped backwards. Lumingon siya sa likuran. Tapos ay tinaas ang magkabilang kamay.

“I’m sorry, okay? Mainit na naman ang ulo mo.”

Umayos ako ng tayo nang pakawalan niya. Good thing, walang nanonood sa amin. O wala nga ba? Baka hindi ko lang napapansin. Pero para sa akin, walang nakatingin sa amin ngayon.

Binaba ko ang bag. Inunat ko ang suot ko. “There’s nothing to be missed about me. Kakakita lang natin, ano ba?! You just missed pissing me out.”

Binaba niya ang mga kamay at nilusot iyon sa bulsa ng suot na pantalon. Bumuntong hininga siya at pinagmasdan ako.

“I didn’t know you’re coming.”

I rolled my eyeballs.

“Oh, please. Na inform si kuya Nick at siya pang sumundo sa akin.”

Natahimik siya. Pero nananatiling nakakatitig sa akin.

“Bakit ‘di mo ko tinext? Ako sana ang sumundo sa ‘yo.”

I scoffed and got out from the dark. Humalukipkip ako at patuya siyang tiningnan.

“I bet you were busy before the party. I even saw you kissing ate Mica. Kung tinawagan kita, baka ma-miss mong halikan siya.”

I wasn’t bitter. Don’t judge me yet. I just wanted to point out that it was okay not to see him fetching me. Hindi niya ‘yon obligasyon at wala kaming relasyon para gawin niya ‘yang pagsundo.

Mapakla siyang tumawa. Tapos ay masama akong tiningnan.

“That kiss was nothing. Mica is just faking it. Nabuyo lang siya kaya walang nagawa. Nakita mo pala. Kung alam ko lang na nandito ka na, hindi mo ‘ko maaabutang hinahalikan siya. O kahit sa sinong babae.”

“Para namang may pakielam ako kung sino mang kahalikan mo? Kahit dilaan mo pa, wala akong pakielam. I will not give a damn into it. It’s your lips not mine. Get out my way.”

Pinanlakihan ko siya ng mata. I wanted him to see me that I can fight him. Kaya ko siyang palagan. I may be nothing right now, but not forever.

I used to have bodyguards. Though, they annoyed me because daddy insisted them for security purposes. Sa isip ko, kahit wala siya, kakayanin kong manlaban. I wasn’t vulnerable. Nanonood din ako ng mga clips about self-defense. In my mind, dapat matuto ako no’n. Si mommy palaging worried sa amin nina Red at Cam. Noong una, hindi ko maintindihan kung bakit. Pero nang lumawak ang isipan ko, saka ko lang naintindihan.

There were threats. The media also wanted to dig about the De Silva’s wives. Kahit noon pa raw. My Uncles and daddy were so annoyed about it.

And seeing Dylan now, he made me wanted to punch his proud face.

“Muk’ang kailangan pa kitang turuan kung paano tratuhin ang boyfriend at magiging asawa mo, Ruth. When will you learn your lesson, babe? That you and me will be together.”

Napapikit na lang ako sa inis. Ayoko siyang kausap. Ayoko nang makipagtalo sa taong sarado ang isipan. Kapag pinaikot ko na naman sa utak ko ang mga sinasabi niya, pakiramdam ko malapit nang mapigtas ang ugat sa ulo ko. Kaya, ‘wag na lang siyang patulan.

Matalim akong nakatingin sa kanya. Malakas ko siyang tinulak. Naglakad ako at nilagpasan na siya. Kumakalabog pa rin ang dibdib ko. Ayokong magkamali ng ikikilos kaya nagdere deretso ako palabas ng garden.

Hindi ko na siya nilingon. Though, nag worry ako na maging assuming na naman ‘yon. Hindi ako sumagot at baka isipin no’n pumapayag na ako.

Nakakabaliw lang kasing alalahanin ang gusto niyang gawin ko. Bawal akong huminde? Bawal akong tumanggi? Amo ko ba siya? Alipin ba niya ako? Bwisit na ‘yon. Kaya niyang bunuin ang araw kong puro kabwisatan niya ang bida.

Luckily, I found my cousins in the private couch outside the big house. May puting couch na inilabas at pabilog na salaming lamesita sa harap nito. The L-shaped couch was sitting by Anton, Yandrei, Dean, Dulce, Red and some of their friends. Kakilala ko ‘yong iba. Nag iinuman sila. Napansin kong wala si Cam. Most probably, hindi pinayagan ni mommy. Wild guess, he must be bored now.

“Ate Ruth! Sa wakas!” patiling sinigaw ni Dulce ang pangalan ko.

Pareho silang tumayo ni Yandrei para salubungin ako. Pati ibang pinsan ko ay napalingon na rin. They all smiled and smirked at me. Maliban kay Red. Tiningnan niya lang ako at ang likuran ko.

“Nasa labas kami ni kuya Nick.”

“Uhuh,”

Nilingon ko si Dean. Chill na chill siyang nakaupo sa sandalan ng couch. Sa pinakadulo ng upuan ay nakaupo si Anton at isang babaeng sexy. Sa kanyang tabi ay si Red na tahimik at umiinom. Next to him was Yandrei and Dulce. Iba ang hatid ng tingin ni Dean. Para bang may nakakatawa sa sinabi ko.

“Baka pinanood niya pa ang scene nina kuya Dylan at ate Mica?” Yandrei asked me.

Hinawakan ni Dulce ang wrist ko at hinila sa pagitan nilang dalawa ni Yandrei. Nagpaunlak ako. Pagkaupo ko ay tinapik ni Dean ang balikat ko. Napalingon ako sa kanya.

“Nagkita na kayo ni kuya Dylan?”

Tumaas ang kilay ko. “Oo. Ngayon ngayon lang.”

Tumaas din ang isang kilay niya bago sumimsim sa baso. A girl tugged his arm but he didn’t give his attention to her.

“And?”

“And?” gaya ko sa kanyang tanong.

He smirked and then chuckled. Kumunot ang noo ko. May pagkakahawig ang ginawa niyang reaksyon sa kapatid niya.

Inagaw ni Dulce ang atensyon ko.

“Masaya sana kung nandito rin sina ate Deanne.”

Nginitian ko siya. Pinagtabi ko ang mga tuhod sa isa’t isa. Tinapunan ko ng tingin ang mesa. Maraming inumin at pagkain. May mga taong lumalapit at binabati ang mga pinsan ko. Most girls went on our couch. May batian. Hingian ng phone number o kaya’y nangungumusta. My cousins were prepared. They actually flirted back. Kaya madalas kong naririnig ang mahihinang atungal nina Dulce at Yandrei.

“Hay, naku. Kung nandito lang ang Montevista men, hindi ako mabo bored. Puro hindi ko kilala ang mga modelong friends ni ate Mica.”

Sumang ayon si Yandrei kay Dulce. Nag usap ang dalawa sa magkabila kong gilid.

“May pinakilala nga sa aking model kanina si ate Mica, Brazillian. Gwapo sana kaso hindi ko type.”

“Ehem, ehem. Kapag nalaman ‘yan ng parents niyo, grounded kayo.”

Sabay silang nagmaktol at napakamot ng ulo. Halos sabay din silang yumakap sa mga braso ko. I chuckled.

“Don’t tell them please, ate Ruth. Iba magalit ang papa ko. Nakakatakot. Promise, wala pa akong balak na magka boyfriend. Next year na lang.” Yandrei promised.

“Kung paanong bantay sarado ni Uncle Reynald si Auntie Kristina, baka triple sa ‘yo. Idagdag mo pa ang mga kapatid mo.”

I looked at Dulce.

“And how about you? Mas nakakatakot yata magalit si Uncle Johann. Isama mo pa si Dylan. Delubyo panigurado.”

Agad nagbago ang mukha ni Dulce. She’s cute. Her long and straight hair looked so good on her.

“Sabi ko nga kay kuya, ‘wag akong pakielaman, e. Alam mo ba naging reaksyon niya, ate? Nagsisigaw. Malakas siyang binatukan ni mommy. Ayun, natahimik. Kaya kahit nakakatakot si dad, kay mom naman ako malakas.” Dulce grinned.

In-imagine ko ang itsura ni Dylan nang batukan ng ani Auntie Aaliyah. Nakakatawa kasi. That probably the most iconic scene in his entire life.

Nagtagal ang kwentuhan namin. Paminsan minsan kong nililingon si Red. Madalas siyang may ka text sa phone niya. Alak at cellphone lang pinagkakaabalahan niya. Then, ate Mica came to us. Kasama si Dylan na nakaakbay sa kanya.

Nag iwas ako ng tingin sa braso niya. Ate Mica was wearing a short body-hugging dress. Peach ang kulay. She’s morena and has a slender body. Mas pumayat pa siya ngayon kaysa dati. At mas nag dark ang kulay nito. Malaya ang kanyang kulot na buhok at may malalaking curl na katulad sa mga nakikita kong Latina celebrity. Her makeup was nude. Kumikislap ang mukha niya sa highlight. And she talked so sweet. Lahat sa kanya ay maganda.

Kinausap niya ang lahat na kasama at katabi ko. Pagkakita niya sa akin, hindi siya agad nakapagsalita. I saw pity on her face. Nag pout siya nang kaunti. Naamoy ko ang bango niya. She looked and smelled so expensive. Her career made her so expensive.

“Ruthie, I missed you.”

Hinawakan niya ako sa mga kamay ko at biglang hinila. Napatayo ako. Niyakap niya ako nang mahigpit panandalian. Then, she looked at my face. Pinasadahan niya rin ako ng tingin.

Dylan was standing near behind her. He was watching us intently. Hindi ko siya sinulyapan.

“I heard about what happened. Ano? Nahanap mo na ba ang family mo?”

She looked sincere, though. Pero hindi pa rin ako kumportable na matanong sa ganitong sitwasyon. Naririnig kasi siya ng ibang pinsan ko. At alam kong nakabantay ang mga tainga nila.

I cleared my throat. “Hindi pa, ate. But I’m still searching.”

Tumango tango siya. Hinahaplos ng malambot niyang kamay ang kamay ko.

“Also, Dylan told me about what he did to you.” She leaned on my ear and whispered, “He’s a devil. I’m sorry.” Then she giggled.

Ngumisi ako. Oo naman.

Umayos siya ng tayo at nginitian pa ako.

“But you look prettier, huh. Ang gan’yang ganda pwede sumabak sa modelling. Gusto mo bang subukan?”

Agad akong umiling. “Hindi ko yata kaya.”

Pinanliitan niya ako ng mata.

“Sa umpisa ka lang naman mahihiya. Pero kapag kumita ka na, baka mas lalo kang magpursige. Pwede kang maging supermodel, Ruth. With you body and face, you can make it.”

“Lagapak lang sa height.”

Napalingon kaming dalawa kay Dylan. He looked pissed. Para bang naiinip o biglang nainis.

“Excuse me? May mga modelo na ring hindi katangkaran, ‘no. Pwede ko pang sanayin ‘tong si Ruth.” Apila sa kanya ni ate Mica.

Uminit ang mukha ko. Wala naman sa isipan kong sumabak sa ganoong larangan.

“Wala siyang confident sa gan’yan, Mics. Magsasayang ka lang ng pagod.”

Tumawa sina Dean at Anton.

“Ayaw ni manager.”

Siniko ni Yandrei si Red. Red did look at her. Tinuro naman ako ni Yandrei sa kanya.

“Kailangan may permit.” Dinig kong salita ni Dean sa likod.

Kumunot ang noo ni ate Mica. Pagkatapos kay Dylan, nilingon din niya ang ibang pinsan ko. Para bang mayroon siyang hindi maintindihan at pilit niyang hinahanap ang sagot. She didn’t answer them until Red stood up and held my elbow.

Nabitawan ako ni ate Mica.

“I don’t think papayagan siya nina dad and mom, ate Mica. And my ate wants to be a journalist.”

Red’s low and clear voice filled the air. He was still young but his speaking voice would make every hair in your arms stood up. I could already see his resemblance with dad!

Humalukipkip si ate Mica at tumikhim.

“Oh well, nakikita kong maraming balakid sa modelling career ni Ruth kung sakaling mag go siya. Hindi ko naman siya pipilitin. Sobrang possessive niyong mga de Silva!”

Nagtawanan ang grupo namin. Nilapitan ni ate Mica si Dylan at yumapos sa baywang nito. Sinundan ko ng tingin ang mga braso niya. She was free to do that. Sanay na sanay yumakap. Hindi sumagot ng yakap si Dylan. Pagtingin ko sa mukha niya, nakatitig pa siya sa akin.

Agad kong tinanggal ang mata sa kanya. Binalingan ko si Red sa tabi ko. He was also watching them. Inuntag ko siya.

“Thanks, Red. Pero hindi ko rin naman siseryosohin ‘yon.” Natatawa kong sabi. It was a faked chuckle.

What the f**k?

I produced a fake chuckle. Naiinis ako. I felt so unreal. Hindi naman ako ganito dati. Alam ko ang goal ko. At hindi ako naglalabas ng pekeng tawa not unless it was needed.

“I know, ate Ruth.”

Hindi ko na magawang tingnan pa si Red. Hindi na rin ko nagsalita at naupo ulit sa tabi nina Dulce at Yandrei. The party continued. Nanatili pa ring nakatayo sina Dylan at Mica.

Nang dumating si kuya Nick, mas lalong umingay. Ang iba sa amin ay sumayaw. Pati sina Dulce at Yandrei ay nakigulo rin. Naiwan kami ni Red sa couch at pinanood sila.

Nangingiti ako kakapanood sa kanila.

“Ate?”

“Hmm?”

Nanatili ang mata ko sa mga nagsasayaw. Even Dylan joined them.

“Wala ka ba talagang boyfriend?”

Natigilan ako. Medyo kinabahan ako sa tanong na ‘yon ni Red. Nilingon ko siya. And he looked so curious.

“W-wala. Bakit?”

I wanted him to feel that it was funny. Pero para yatang nag e LBM ang mukha ko nang ngumiti ako. Pinagpawisan pa ako. E, totoo namang wala akong boyfriend.

He pouted his lips a little. Naka de kuatro siya. Nasa ibabaw ng hita niya ang phone. Then, he shrugged his shoulders.

“May narinig lang kasi ako. Pero mas gusto kong sa ‘yo manggaling ang totoo.”

I was stunned a little. Saan niya narinig? Kina kuya Nick? Damn.

Inalis ko ang tingin sa kanya. I bit my lip and I accidentally locked my eyes with Dylan’s. Ate Mica was standing in front of him. Nakasampay din ang mga braso nito sa balikat niya. Though his hands were on her waist, his expressive eyes were haunting me.

Red heavily sighed beside me. The music went louder.

“I think, someone wants you to be a De Silva again.”

Napapaso akong napaangat ng likod sa sandalan. Mabilis kong nilingon si Red.

“What?”

Mayroong kalabog sa dibdib ko. Kalabog na mas malakas pa sa music sa party na ‘to.

Red seriously watching our cousins.

“Ano ba ‘yang sinasabi mo, Red? Are you drunk?”

I had never seen him this serious before. I started to get worried about my brother.

“You don’t know everything yet. So, you have to be very careful.”

Red’s voice lowered. Sigurado akong, ako lang ang nakarinig no’n. He never looked at me again. Though, it frustrated me, he sent chills in my veins.