RAMDAM ni Ingrid na excited din si Dwayne sa magiging reaksiyon nina Vladimir at Annie. Nang maihanda na lahat ng pagkain ay naunang pumuwesto sa lamesa ang tatlong barako. Tinawag naman niya si Annie.
Binuhat nito si Slather at nagtungo sa hapag. Ngunit napako ang mga paa nito sa pintuan nang mahagip ng paningin si Vladimir na katabi ni Wallace at nagsusuot ng itim na kamesita. Animo nakakita ng multo ang kaibigan niya.
“Halika na, Annie. Sit here,” yaya niya sabay hila ng silya katabi ng sa kaniya.
Natigilan si Vladimir at napalingon sa pintuan. He was shocked, too.
Nilapitan pa niya si Annie at kinuha rito si Slather. Hinawakan din niya ito sa kanang kamay saka hinila palapit sa lamesa. Halos ayaw nitong humakbang dahil nakapako ang paningin kay Vladimir.
Lumapit pa rin ito. Sinad
