MATUTULOG na sana si Dwayne pero biglang tumawag si Ricardo. Dahan-dahan siyang kumilos at bumaba ng kama. Mahimbing na ang tulog ni Ingrid, at mabuti wala na itong reklamo kahit doon siya sa kuwarto nito matutulog. Alam niya hindi lang iyon dahil sa hiling ni Slather.
Lumabas siya ng kuwarto at tumuloy na sa labas ng villa. He then hit the answer key on his phone and sat on the hammock.
“Good evening, Sir Dwayne!” bati ni Ricardo.
“Napatawag ka ata,” aniya. Kung sa bagay, alas nuwebe pa lang ng gabi.
“Pasensiya na po sa abala, importante lang po itong ibibigay kong update.”
“Okay lang, hindi pa naman ako nakatulog.” Humiga siya at itinaas ang mga paa. “Go ahead,” sabi niya sa kausap.
“Uunahin ko po muna itong tungkol sa Cosa El Hombre. May nahuli na po kaming isang miyembro at kasal
