NAWINDANG si Ingrid pagkaraang nag-withdraw siya ng pera sa bangko noong tanghali. Kinahapunan nang pauwi na siya napansin ang balance niya sa passbook. Magbabayad kasi siya ng bill ng kuryente at pasuweldo kay Manang Sonia. Kaso biglang may kalahating milyon sa account niya. Mabuti na-trace kung kanino galing ang pera. Kay Dwayne pala.
Napasintido siya. Hindi naman siya humingi ng pera rito. At kahit pa mag-offer si Dwayne, hindi niya tatanggapin. Pero naroon na iyon, at saka kailangan din naman niya ng pundo para sa ibang gastusin. Dumiretso siya sa family house nila at balak niya na doon matulog dahil may pag-uusapan pa silang mag-anak.
Papasok na siya sa subdivision nang mapansin niya ang itim na kotseng sumusunod sa kaniya. Hindi ito ang sasakyan ng bodyguards na nahuli. Nag-overtak
