HINDI na talaga nadatnan ng dalaw si Ingrid. Natutuwa siya dahil sa sobrang excitement ni Dwayne ay halos ayaw na siya nitong pagtrabahuhin sa bahay. Maaga na ulit itong nagigising upang ipagluto siya ng almusal. Lahat ng kailangan niya ay nakahanda na, maging ang susuotin niyang damit.
And for her protection, Dwayne voluntarily appoints himself as her driver. Para raw hindi na siya mag-drive at kotse nito ang gagamitin. Gumaan na rin ang trabaho nito sa kompanya ng daddy niya kaya mas marami nang oras sa kanila ni Slather.
Inasikaso na rin niya ang requirement para sa kasal nila ni Dwayne. Hinihintay na rin nito ang ibang papeles na ipapadala ng secretary nito mula Italy. Patapos na rin ang specialization niya at balak niya na magpahinga muna ng ilang araw para mapaghandaan ang kasal.
