ANG dami nang sinabi ni Dwayne pero wala siyang narinig ni isang salita mula kay Ingrid. Tahimik lang ito hanggang sa makarating sila ng condo. Ingrid didn’t answer his question about why Jake acts so aggressively. And she obviously cried.
Diretso ang pasok ni Ingrid sa kuwarto pagdating. Ni hindi nito pinansin si Slather na sumalubong sa kanila. Niyakap niya ang anak at pinagbigyan sa halik na hinihingi nito. Hindi man lang ito nagtaka sa kilos ng ina. Pagkatapos ay sinundan niya sa kuwarto si Ingrid.
“Ingrid,” sambit niya nang mapansing papasok ng banyo si Ingrid.
Huminto naman ito at humarap sa kaniya. Namumugto ang mga mata nito. Masakit pa ang panga niya na natamaan ng kamao ni Jake kaya gigil pa siya, tapos hindi niya gusto ang nakikitang reaksiyon ni Ingrid. Maaring may napag-usa
