MAYA’T MAYA ang silip ni Dwayne sa kaniyang cellphone sakaling may mensahe na si Ingrid. Katatapos lang ng meeting niya kay Vladimir. Kasabay niyang pumunta roon sa bahay nito si Wallace na naabutan niya sa condo. Doon na sila kumain.
“Bakit parang pusa kang hindi mapaanak diyan, Dwayne?” tanong ni Wallace. Nakahiga ito sa sofa.
Palakad-lakad kasi siya sa harapan nito. Panay ang silip niya sa bintana. Mula roon sa second floor ay nasisilip niya ang kabilang bahay na pag-aari rin ni Vladimir pero balak ipa-rent to own kay Annie.
“I’m waiting for Ingrid’s text or call,” tugon niya.
“Pupunta ba siya rito?” anito.
“Oo, sasamahan nga si Annie na titingin sa bahay ni Vlad.”
“Saang bahay?” Napaupo ito.
Lumapit siya sa bintana. “Ayan oh.” itinuro niya ang bahay sa kabilang bakod.
Tumayo na
