Kabanata 165
NANG nasa tapat na siya ng kanilang bahay ni Kei ay mabilis siyang bumaba sa kanyang sasakyan. Nagulat pa sina Mang Jose at Mang Rudy nang makita siya ng mga ito.
"Mang Rudy, pakibuksan po, bilis!" nagmamadali niyang utos. Nagkukumahog naman sa pagbukas ng gate si Mang Rudy. Agad siyang tumakbo, makapasok lamang agad sa loob ng kanilang mansyon. Ni hindi na nga niya nakuhang tanungin sina Mang Jose at Mang Rudy kung nandito ba si Kei sa loob ng bahay. Sobrang excited kasi siya na makita si Kei.
Nang makapasok siya sa loob ng bahay ay agad niyang tinawag ang pangalan ni Kei.
Mabilis siyang umakyat sa hagdan at nagtungo sa kuwarto nito, ngunit wala roon ang kanyang asawa. Muli siyang bumaba sa hagdan at nagtungo siya sa study room. Ngunit wala pa rin doon si Kei. Sa kusina
