Kabanata 164
KINABUKASAN nang magising siya ay wala na sa tabi niya si Kei. Bigla siyang kinabahan at mabilis siyang bumangon. Kinuha niya ang kanyang roba at agad itong isinuot. Bumaba siya sa kama at agad na hinanap si Kei. Nakahinga naman siya nang maluwag nang matagpuan niya ito sa may veranda. Malayo ang tingin nito at para bang kay lalim nang iniisip.
Humakbang siya palapit dito at agad na yumakap sa baywang nito. Kinalas naman ni Kei ang kanyang mga kamay at marahan siya nitong kinabig. Ito ang yumakap sa kanya mula sa kanyang likuran. Hinagkan naman ni Kei ang kanyang sintido at banayad nitong hinaplos ang maliit na umbok sa kanyang tiyan.
“You are awake so early, Kristina,” ani Kei sa kanya.
“Bigla ka kasing nawala sa tabi ko. Bigla akong kinabahan at hindi ko alam kung bakit
