Kabanata 155
NAALIMPUNGATAN si Kristina nang may biglang tumapik sa kanyang balikat.
Nang magdilat siya ay si Daisy lang pala ito.
"Ma'am Kristina, oras na po ng agahan ninyo. Bumungon na po kayo," ani Daisy. Napahikab naman siya at dahan-dahan na bumangon.
"Sige na, Daisy. Umuna ka na sa labas. Huwag mo na akong hintayin. Susunod din naman ako agad," aniya at tumayo na siya.
Dumiretso siya sa banyo at agad na naligo. Pagkatapos niyon ay nagpalit din naman siya agad ng damit.
Nang lumabas siya ng banyo at wala na si Daisy sa loob ng kanyang kuwarto. Kumikit-balikat siya at humarap sa whole body mirror. Nag-ayos siya ng kanyang sarili.
Pagkatapos niyon ay lumabas na siya ng kanyang kuwarto at pumanaog na sa hagdan.
Lumabas siya ng bahay at sa kubo siya dumiretso dahil doon na
