16 – Changes
Summer’s Point of View
Kanina pa ako pakurap-kurap dahil hindi pa rin ako sanay sa contact lens na ipinasuot sa akin ni Latrisse. Noong nakaraang araw pa kasi ito dumating. Medyo natagalan dahil may grado. Naalala ko pa kung paano ako umiyak nang una kong maisuot ito dahil sobrang uncomfortable sa mata. Pakiramdam ko ay may malaking muta ako. Ang hirap pang suotin. Pero dahil desisyon ko naman na baguhin ang sarili ko, papanindigan ko.
Sa make-up naman ay hindi na ako nahirapan dahil hindi naman komplikado ang make-up na ginagawa ko. Tinuruan ako ni Latrisse ng simpleng routine. At sa pananamit naman, si Latrisse rin ang tumulong sa akin at pumili ng mga damit ko.
She did all of those because she felt bad about what happened to me. Pero siyempre, hindi ko sinabi sa kanya
