Pasakay na sana siya sa kanyang sasakyan nang matigilan siya. Hindi niya alam kung bakit tila siya nag-aalala kay Celina. Marami na talaga siyang hindi naiintindihan sa kanyang sarili mula nang makilala niya si Celina at lahat ng nangyayari ay para na siyang mababaliw sa kaiisip kung bakit at bakit.
Humugot siya ng malalim na paghinga at mariing pinikit ang kanyang mga mata. Ayaw man niya pero hindi niya kayang pabayaan mag isa si Celina na hanapin ang kapatid nito, lalo na't involve si Pao dito. Hindi niya alam kung ano ang plano ni Pao sa kapatid ni Celina. Pero naniniwala siyang may hidden agenda si Pao sa batang kapatid ni Celina, lalo na't mayaman pala ang magkapatid at wala ng ama. Hindi lang simpleng pambababae ang nangyayari ngayon, may agenda ang demonyong si Pao sa magkapatid at
