"Bakit hindi ka sumama kay Mark?" Tanong sa kanya ni Akio nang makapasok na sila nito sa loob ng bahay.
"Ayoko ng gulo, Akio. Ayokong makaladkad pati si Mayor Mark sa gulo natin. Ginagalang siya at pinagmamalaki sa bayan ng San Juan. Ayokong magkaroon siya kahit kaunting dungis nang dahil sa akin," paliwanag niya kay Mark na patuloy pa rin ang paninigarilyo kahit nasa loob na ito ng bahay.
Isa ang paninigarilyo sa pinaka ayaw niya sa lalake. Pero bakit kay Akio napakagandang tignan. Bakit hot na hot ito sa kanyang paningin na para ba itong bad boy actor sa isang Hollywood movie. Napakalakas ng dating nito. Lalaking-lalaki. Iyung tipong ipagtatanggol ka niya hanggang kamatayan.
"Iyan ba ang totoong dahilan mo Celina o dahil sa halik ko sa iyo?" Tanong nito at tinapos na nito ang paniniga
