Pagpasok niya sa kanilang bahay agad siyang umakyat sa ikalawang palapag para puntahan ang kapatid niya. Ito ang nais niyang unang makita sa kanyang paglaya mula sa pagkakadukot sa kanya dahil sa kapatid niya.
Sadya siyang hindi kumatok sa pintuan ng silid ni Pamela. Deretso siyang pumasok sa loob at nakita ang kapatid niyang nakahiga sa kama nito at payapang natutulog.
Binuksan niya ang ilaw at kumalat ang liwanag sa buong silid. Naramdaman yata ng kapatid ang presensya niya kaya nagising ito. Nagulat pa ito nang makita siya.
"Ate Celina," gulat nitong usal sabay bangon sa kama habang hindi ito nag-aalis ng tingin sa kanya.
"Mag-usap tayo, Pamela!" Galit niyang saad sa kapatid. Pinipigilan niya ang sumigaw dahil baka marinig siya ng Mommy niya. Hangga't maaari hindi niya nais makarati
