"Akio! Huwag mong sisigawan ang Ate Alexa mo! Nawawalan ka na ng galang ng dahil sa babaing iyan!" Galit na sita sa kanya ng Mama niya.
"Oo nga Kuya! Ano ba ang pinakain sa iyon ng babaing iyon at nagkaganyan ka!" Galit na sita rin sa kanya ng bunsong kapatid.
"Wala kang pinagkaiba kay Papa na nagpakabaliw sa isang babae kaya tinalikuran niya tayong lahat!" Sigaw ng Ate Alexa niya sa kanya.
"Tama na! Tama na!" Malakas niyang sigaw sa mga ito.
Nababaliw siyang marinig ang mga sinasabi ng mga ito sa kanya na para bang ang sama niyang kapatid sa mga ito. Kinumpura pa talaga siya sa kanilang Papa na iniwan sila dahil sa babae.
"Itigil mo na kasi iyang kabaliwan mo Akio! Hindi mo dapat pinakasalan ang babaing iyan!" Saad ng kanyang Mama.
"Mahal ko po siya Mama sinabi ko na po sa inyo iya
