ALAS-DIYES na ng gabi ay nasa laundry room pa si Jin at naglalaba ng mga underwear nito. Dahil hindi makatulog, sinamahan ito ni Janna. Tulog na ang mga kawaksi at ayaw nang obligahin ni Jin para maglaba. Gusto sana ni Janna na siya ang maglaba ng undies ng asawa pero ayaw siya nitong pagtrabahuhin.
“Mauna ka nang matulog, lumalalim na ang gabi,” sabi ni Jin. Naihulog na nito sa dryer ang mga nilabhang undies.
“Hihintayin na kita,” aniya.
“Nagpupuyat ka na naman.”
Nakaupo lang siya sa silya sa may gilid ng pintuan. Kahit inaantok siya, kapag nahiga sa kama na hindi katabi si Jin ay mababaw rin ang tulog niya kaya hinintay niya ito.
“Ikaw ang sleep aid ko, eh,” aniya.
Napailing lang si Jin. Inipit na nito sa hanger ang mga natapos na brief. Naitodo nito ang dyer kaya halos tuyo na ang
