KINABUKASAN din ng tanghali ay nalaman ang resulta ng blood test ni Janna. Normal naman ang blood cells count niya. Kailangan lang niya ng sapat na pahinga at maayos na tulog. May nai-recommend ang doktor na mabisang iron supplement at sleep aid na makatutulong upang mas mabilis siyang maka-recover.
Talagang nagpabili si Jin ng mga pagkaing mabilis magpabalik sa normal niyang blood pressure. Natutuwa siya kahit papano dahil kahit busy si Jin, naglalaan ito ng oras upang maasikaso ang kailangan niya. She’s hoping that it will last, and Jin will continue giving himself to be more open. Kahit sa kaniya lang ay maging open ito, kampante na siya.
“Nalulungkot ako, friend. Uuwi na talaga tayo bukas?” ani ni Aster.
Nakahiga na sila sa kama sa kuwartong inuukupa nila. “Kailangan na nating umuwi
