NAKAGAT ni Janna ang kaniyang ibabang labi nang maisip ang kahihiyang nagawa. Naiinis siya sa kaniyang sarili at napaisip. Sino ba siya para pagnasaan ni Jin? Aware naman siya sa kaniyang sarili na malikot siyang matulog at minsan ay kung anu-anong nagagawa habang malalim ang tulog.
Gusto niyang mag-sorry kay Jin pero galit na ata ito at sa sofa na nahiga. “Teka, bakit nagpalit na kami ng poswesto?” bigla’y tanong niya sa hangin nang maalala na sa sofa siya nahiga at nakatulog. Nilalaro pa nga niya si Barley.
Bakit si Jin na ang naroon sa sofa? Bakit hindi ito sa tabi niya nahiga? Hindi na siya nakatulog kakaisip. Maya-maya ang silip niya kay Jin. Lampshade lang ang nakabukas kaya hindi niya makita kung tulog na ba ito. Humiga na lamang siya nang maayos at hinintay kung kailan ulit siya
