NAGTATAKA si Janna bakit halos ayaw siyang pakilusin ni Jin. Sa tuwing gagalaw siya ay nakaalalay ito. Nang dumating ang pinabili nitong juice at may kasamang biscuit ay ito ang sumusubo sa kaniya. And weird nito.
“Kaya ko nang kumain,” sabi niya. Nakaupo na siya sa kama at katabi ito.
“Let me do this,” pilit nito.
“Ano ba ang sabi ng doktor? Bakit pati ihi ko kailangang ma-test?” pagkuwan ay tanong niya.
“Just to make sure that you don’t have infections.”
“Sure ako na dahil lang ito sa mababang BP ko. Palagi naman akong ganito.”
“Wait natin ang findings ng doktor. For now, you need to follow his advice.”
Bumuga siya ng hangin. Ang aga nilang pumunta roon sa clinic at wala pa siyang almusal. Pagkagising kasi niya ay suka siya nang suka. Nangyari na iyon noon sa kaniya, na halos hind
