KINOPYA ni Jin ang cellular number na tumawag kay Janna at sinubukang ma-trace pero natuklasan nilang roaming number ito, meaning, nasa ibang bansa ang caller. Tinawagan ito ni Jin gamit din ang international cellular card nito ngunit hindi na makontak.
Nakaluklok lang sa gilid ng kaniyang kama si Janna at pilit pinakakalma ang sarili. Palakad-lakad naman sa harapan niya si Jin na mayamayang may tinatawagan. Sigurado siya na si Marcial ang tumawag sa kaniya; kilala niya ang tinig nito. At sa way ng pananalita ng lalaki, may banta ito sa kaniya.
“Buhay pa ba talaga si Marcial, Jin?” nanlulumong tanong niya sa asawa.
“I’m not sure. The police keep searching Marcial, and find possible evidence that may prove if he was dead.”
“Hindi ba nila nakita ang katawan ni Marcial sa warehouse niya?”
