DINAMPOT ng mga pulis si Jin dahil sa video na naipresensta sa korte na siya ang huling nakita sa CCTV na pumasok sa apartment ni Lexy. Kahit nagpahayag na siya ng statement ay hindi iyon sapat upang mapatunayang inosente siya. Nakita kasi ang finger print niya sa ibang gamit sa crime scene. Pero gumugulong pa ang imbestigasyon.
Isang araw pa lang siya sa kulungan nang dumating ang abogado at Uncle Gerano niya kasama ang kaniyang lolo. Wala siyang pakialam sa nangyayari sa kaniya. Ang iniisip niya ay si Janna na biglang nawala. Umuwi ang bodyguards na hindi kasama ang asawa niya, tanging mga gamit lamang nito.
Si Gino ang nag-asikaso sa imbestigasyon sa Bangkok airport. Nakita umano sa CCTV footage na pumasok ng palikuran si Janna. Hindi na ito nakitang lumabas, pero ang pinagdududahan
