NAHIHILO pa si Janna nang magmulat siya ng mga mata. Hindi siya makakilos dahil namamanhid ang ilang parte ng kaniyang katawan. Ang naaninag niya ay puting kisame na mayroong umiikot na ceiling fan. Hinintay niyang humupa ang hilo niya bago muling dumilat.
Nanghihina siya pero unti-unting bumabalik ang kaniyang wisyo at naalala ang mga nangyari. Huling sinaryo na nahagip ng kaniyang diwa ay sa banyo ng airport. May kamay na tumakip sa bibig at ilong niya at bigla siyang nawalan ng ulirat.
Nang makapag-ipon ng lakas ay marahan siyang kumilos at umupo. Naibsan ang hilo niya pero nasusuka siya. Inilibot niya ang paningin sa paligid. Pulos puti ang pader at merong closet, mesita, silya, may pinto na maaring patungong banyo. Meron ding main door.
Sinisikmura pa rin siya. Tumayo na siya at ma
