HININTAY pa rin ni Janna si Jin kahit alas-siyete ng gabi na nakabalik. Nakatulog ito sa kotse habang pauwi sila. Hindi naman siya mapakali dahil sa takot na baka may sindikatong susunod ulit sa kanila. Mabuti ibang kotse na ang ginamit nila ni Jin. Hinigpitan din nito ang security sa palibot ng JBM upang walang makalusot na kahina-hinalang tao.
Pagdating sa bakuran ng mansiyon ay ginising pa niya si Jin. Parang lantang gulay ito.
“We’re home,” bulong niya rito.
“Hm, I’m tired,” ungos nito, halos ayaw pang imulat ang mga mata.
“Tara na. Mag-dinner na tayo then matutulog ka na.”
Inalalayan pa niya ito para makababa. Tamad na tamad itong kumilos.
“I wanna sleep,” anito.
“Mag-dinner muna tayo. Nagugutom na ako.”
“I’m not hungry. I just want to sleep.”
“Hay! Sige, sa kuwarto mo na la
