NATARANTA si Janna ang makitang may pasa sa gilid ng labi si Jin at may sugat din sa ibabang labi. Magulo ang damit nito, may dugo at basa ng tubig.
“A-Anong nangyari sa ‘yo?” balisang tanong niya. Akmang hahaplusin niya ang pisngi nito ngunit umiwas ito.
Dumiretso sa extension si Jin at lumuklok sa sofa. Sinundan niya ito. Kumuha siya ng ice cubes sa ref saka inilagay sa kaniyang panyo. Pumayag naman si Jin na lapatan niya ng cold compress ang pasa nito.
“Napaaway ka ba?” usisa niya.
“Yeah,” tipid nitong tugon.
“Sino ang nakasuntukan mo?” Lalo siyang nababahala.
“Ang secret lover mong gago,” gigil nitong tugon.
Si Zadkiel kaagad ang naisip niya. “Bakit? May ginawa ba si Zad?”
“Pinainit niya ang ulo ko. And… puwede ba huwag ka nang maraming tanong?” inis na sabi nito.
Bahagya rin
