MAY naluto nang almusal pero may gustong kainin si Janna na wala sa putahe. Kapag ganoong nagki-crave siya sa pagkain ay tiyak na malapit na siyang datnan ng buwanang dalaw. Nagluto siya ng pansit bihon na ang sahog ay sardinas. Mabuti merong stock na sadrinas dahil minsan daw ay nagpapaluto si Jin niyon na merong kalabasa.
Ang weird lang. Ang sabi ni Lomeng ay gustong-gusto raw ni Jin ng ginisang kalabasa sa sardinas. Recipe raw iyon ng namatay nitong yaya. Talaga palang napamahal si Jin sa yaya nito. Sabi nga nito, mas napapakalma ito ng yaya kaysa sa sariling ina. Kung sa bagay. Ganoon naman talaga, kung sino ang kinalakihan ng bata at palaging nag-aasikaso rito, ito ang makasanayan nitong kasama at hahanap-hanapin.
Alas-otso na ng umaga. Nagising sila ni Jin ay alas-sais ng umaga. Ma
