KABANATA 37:
PINILIT ko na itago ang nararamdaman kahit na ang totoo nanginginig na ko sa galit. Halos mabaliw na ko sa kaka-isip. Naaalala ko na ang iba pero ang posibleng dahilan ni Elijah kung bakit niya ito ginawa ay hindi ko alam at patuloy pa ring pala-isipan.
Umalis na si Suzy. Matapos ko lang na ipaliwanag sa kanya ang totoo ay umuwi na ito. Gusto ko ding mapag-isa. Hindi ako mpakali. Pana ang lakad-balik ko sa loob ng bahay. Uupo mamaya ay tatayo. Panay din ang sipat ko sa orasan. Napatingin ako sa nagkalat na yarn at tela sa ibabaw ng lamesa.
May kutob ako na kaya ayaw niya akong umalis ay baka bumalik ang aking ala-ala pagnaka-kita ng mga bagay na dati kong ginagawa. Sa pagkita ko pa lang ng tela noon iba na ang pakiramdam ko. Alam kong nakutuban na siya noon. Gusto niya la
