Point of view
- Ailana Martinez -
Habang tumatagal, ang mansion na ito ay tila pasikip nang pasikip. Pakiramdam ko ay wala na akong mataguan at halos numinipis na ang hangin na aking hinihinga. Kahit anong gawin kong iwas kay Sir Eli, hindi ko magawa dahil isang mansion lang ang aming kinaroroonan. Hindi ko alam kung hanggang kailan ko maitatago ang aking sekreto, ngunit hangga't kaya ko, gagawin ko.
Mabuti na lang, hindi ganoon kadalas ang pag-uwi ni Sir Eli rito. Mabuti na lang at kung minsan ay nakahihinga ako nang maluwag sa tuwing siya ay wala. Ito na lang ang tangi kong hinihiling sa araw-araw, ang huwag siyang umuwi sa kanyang tahanan.
Ngunit hindi ko alam kung ano ang aking iniisip. Dahil kapag dumarating ang kanyang sasakyan, nakararamdam ako ng lungkot sa tuwing hindi ko siya
