Point of view
- Ailana Martinez -
"S-Sorry po, ma'am," mabilis kong saad saka yumuko at dinampot ang nabasag na baso.
Ngunit sa aking paghawak, mariin akong napapikit nang maramdaman ko ang paghiwa ng bubog sa balat ng aking daliri.
"Yana!" rinig kong saad ni Ms. Marga at mabilis sa lumapit sa akin. "Paeng, tatawagan na lang kita. Umalis ka muna," pagpapa-alis niya sa lalaking kasama niya ngayon.
Nagmamadali namang umalis ang lalaking tinawag niyang Paeng.
"Ayos ka lang ba, Yana? Patingin?" saad niya sabay hawak sa daliri kong may sugat.
Wala sa sariling binawi ko ang aking kamay, tinaas ko ang aking ulo at tiningnan ko si Ms. Marga diretso sa kanyang mata.
Ramdam ko ang namumuong galit sa aking puso dahil sa aking nasaksihan. Alam kong may hindi sila pagkakaunawaan ni Eli, ngunit
