Point of view
- Ailana Martinez -
Kasalukuyan lang akong nakatitig sa aking cell phone habang patuloy ito sa pagtunog at pag-vibrate. Kunot ang noong nakatingin ako sa screen habang pinagmamasdan ang hindi kilalang numero. Hindi ko alam kung dapat ko bang sagutin ang tawag na ito o hindi ko na lang ito pansinin.
Alam ko at may kutob ako kung sino ang tumatawag na ito sa akin. Sigurado ako na si Eli ito.
Isang buntonghininga ang aking ginawa, saka sinagot ang hawak kong telepono. Wala naman akong pagpipilian, sagutin ko na lang ang kanyang tawag.
"Hello," pagsagot ko.
"We need to talk," saad niya sa kabilang linya.
"Paano kung ayoko–"
Hindi pa man tapos ang aking sasabihin, agad na niyang pinutol ang kabilang linya.
Marahan akong humiga sa kama rito sa aking condo habang tinitin
