Point of view
- Marga Montemayor -
Naiwan akong nakahiga sa kama kung saan umalis si Eli. Wala na namang nangyari. Ganito na naman.
Nakatitig lang ang aking mata sa malayong kisame habang tumatakbo ang maraming bagay sa aking isip.
Its been nine years of marriage, but ever since, hindi man lang niya ako hinawakan.
Ang isang Eliseff Montemayor na siyam na taon ko nang nakakasama ay hindi ko man lang nakaniig.
Dahil lang sa lasing siya noon, kaya namin nagawa ang batang si Nathan. Pero hindi ko akalain na iyon na ang una at huli.
Alam kong imposible, ngunit totoo. Pakiramdam ko ay kahit kailan, hindi naman talaga niya ako minahal, hindi niya man lang ako magawang tingnan nang matagal. Ngunit kahit ganoon, lubos at tapat ko pa rin siyang minamahal.
Oo, nagkamali ako noon nang pinili k
