Point of view
- Ailana Martinez -
Mariin akong napapikit nang hawakan ng doktor ang aking balikat. Naramdaman ko ang pagkirot ng sugat na natamo ko dahil sa pagligtas ko kay Wong noong tumalon siya sa bangin.
Kasalukuyan kami ngayong nasa ospital upang ipasuri ang bali ng aking balikat.
Ang sabi ng doktor, kailangan ko raw ipahinga ito. At ilang araw lang, gagaling na rin ang bali.
"Kumusta na ang pakiramdam mo?" saad ni Eli.
Maingat siyang lumapit sa akin. Kasalukuyan akong nakaupo sa gilid ng kama rito sa loob ng ospital. Nilagyan kasi ng doktor ang aking braso ng plaster cast kaya hindi ko ito masiyadong maigalaw.
Si Eli naman ay kumuha ng isang upuan at saka humarap sa akin, dahilan upang magpantay ang aming katawan.
Matipid akong ngumiti kay Eli.
"Maayos na ako," tugon ko.
"
