"Don't worry. I am taking care of them. Hindi ko sila pinapabayaan. Kahit itanong mo pa kay Felix."
Kumunot ang noo ni Reza nang sa pagbaba niya ng hagdan ay narinig niyang may kausap sa cellphone si Dale. Mukhang papasok na ito sa trabaho dahil nakasukbit na sa balikat ang backpack.
Hanggang ngayon ay nagtatampuhan pa rin sila kaya hindi niya sinasabi rito ang tungkol sa pamamasyal nila mamaya kasama si Colt. Bukod sa ayaw ni Reza na lalo lang silang magkatampuhan, ayaw niyang sirain ang araw dahil sa siguradong pangingialam na gagawin na naman ni Dale.
"Good morning!" hindi nakatiis na bati sa kaniya ni Dale, na medyo nagulat nang makita siya.
Hindi rin naman matiis ni Reza ang kaibigan kaya inimik na niya ito. "Good morning, too."
Curious si Reza sa sinabi ni Dale sa kausap nito s
