Ang pagkakaligtas sa kaniya ni Colt ang dahilan kaya nagsimulang magkalapit na ang dalawa. Naging malapit na rin nitong kaibigan ang guwardiya ng ospital na si Donnell kaya napapadalas ang pagpunta ni Colt sa ospital kapag break time nito. Kapag mag-isa lang si Reza sa break time niya ay sabay silang kumakain na dalawa.
"Good morning, Nurse Reza!" masayang bati ni Donell sa kaniya isang umaga. "Hinahanap ka nga pala kanina ni Colt. Ang sabi ko, nine A.M. pa ang pasok mo."
"Bakit naman hahanapin ng janitor na 'yon si Reza?" salubong ang kilay at masungit na tanong ni Dale. Sinadya ni Reza na hindi na ipaalam sa kaibigan ang tungkol sa pagkakalapit nila ni Colt. Para wala ng gulo. "Que bago-bago pa niya rito kaya kilalanin kamo niya ang tinatalo niya." Napasimangot si Reza dahil sa tinura
