Ilang araw na rin simula nang matapos na atakehin ng serial killer si Reza. Sa final statement niya sa imbestigasyon ng mga pulis, nakita niya ang mukha ng serial killer, at hindi iyon si Dale. Hindi na rin sinabi ng dalaga na si Kieran ang nakita niya. Baka lalong hindi siya paniwalaan, at isipin pang may problema sa pag-iisip.
Pagkatapos ng gabing iyon ay hindi na ulit umatake ang psycho killer. Kaya lalo tuloy naniwala ang mga awtoridad na totoong si Dale ang salarin. At lalong nahirapan at naguluhan si Reza sa sitwasyon niya. Dahil hindi siya makapag-focus sa trabaho kaya nag-vacation leave muna ang dalaga.
Mabuti na lang at hindi siya pinapabayaan ni Colt. Halos hindi na ito umuuwi sa apartment para lang alalayan silang mag-ina. Sa halos lahat ng oras ay nakasuporta ito sa kanila, l
