Habang nagma-mop sa hallway ng T.A.B. Laboratory ay napatingala si Kieran sa tatlong malalaking picture frame na nakasabit sa center wall. Ang picture na nasa kaliwa ay ang Uncle David ni Kieran na siyang Chief Financial Officer o CFO ng kompanya. Sa kanan naman ang picture frame ni Uncle Ross na Chief Executive Officer o CEO.
Napahinto sa pagma-mop si Kieran nang titigan niya ang pinakagitnang picture frame. Ito ang kaniyang Daddy Thomas. May nakalagay na "FOUNDER" sa ilalim ng pangalan nito. Kung may ipinagpasalamat man si Kieran sa mga tiyuhin, iyon ay ang pag-credit ng mga ito sa kaniyang ama bilang founder ng laboratory hanggang ngayon.
Dahan-dahang lumapit sa pader si Kieran at tinitigan ang larawan ng ama. Uminit ang bawat sulok ng kaniyang mga mata. Napakaganda ng ngiti nito. Mu
