"Ano ba talaga ang nangyari sa'yo, Reza?" Napakisap ang dalaga nang marinig muli ang boses ni Dale. Matinding pagtataka pa rin ang nakarehistro sa mukha nito. "Ano bang gulo itong kinasangkutan mo? May na-witness ka bang krimen kaya ka pinapatay? Natuklasan mo na ba o nakilala ang mga tao na totoong pumatay sa pamilya ng Tita Marites mo?" sunod-sunod na tanong ni Dale. "Please tell me the truth, Reza. Baka makatulong ako.
In fact, kanina pa matutukso si Reza na aminin na ang lahat kay Dale. Kung pinagkatiwalaan ito ng taong nagligtas sa kaniya sa kamatayan, ibig sabihin, puwede rin itong pagkatiwalaan ng sikreto rin nila ni Kieran. Kilala rin niya si Dale na mabuting tao.
Pero alam ni Reza kung gaano kainis si Dale sa nobyo niya. Baka tuwang-tuwa itong isuplong sa pulis si Kieran at ipak
