Ayaw pa sana ni Reza na umuwi dahil ayaw niyang iwan si Colt na kasama sina Fritzel. Kilala niya ang kaibigan. Gagawin nito ang lahat basta makuha lang ang lalaking gusto.
Natutukso na nga si Reza na sabihin kay Fritzel na kunwari type niya si Colt, para lang ipaubaya nito sa kaniya ang lalaki, katulad ng sinabi nito sa kaniya kahapon.
Are you sure, Reza, na 'kunwari' lang ang pagkagusto mo kay Colt? Pag-eeksena ng isip ng dalaga.
Mabilis na sinaway ni Reza ang sarili. Kahit sa isip lang ay hindi niya kayang lokohin si Kieran. Kaya simula ngayon ay pipilitin na ni Reza na iwaksi sa isip niya si Colt.
"Nakontak mo na ba si Dale?" tanong sa kaniya ni Karen nang makita siya nitong panay ang dial sa cellphone.
Kanina pa kasi niya tinatawagan si Dale para sana magpasundo. Pero ring lang n
