Naaawang napailing na lang si Reza nang isang babaeng biktima na naman ang pinatay ng serial killer kagabi ang kaagad na bumungad sa kaniya nang buksan niya ang television. Nangyari ang pagpatay mga tatlong oras lang pagkauwi niya kahapon mula sa birthday party ni Karen.
"Tama lang talaga na maaga akong nakauwi kahapon," sabi ni Reza kay Dale habang nagkakape silang dalawa. "At halos pagkaalis ko lang ay tinapos na rin ni Karen ang party. At mabuti na lang din ay hindi naligaw doon ang baliw na killer na 'yan."
Ang daming sinabi ni Reza pero wala naman lang marinig na komento mula kay Dale. Simula nang bumbaba ito kanima sa kusina ay napansin ng dalaga na tahimik lang ito. Panay din ang hikab ng lalaki na para bang antok na antok. Imbes din na manood ng balita ay nag-scroll nang nag-scro
