"Anong mulling spices ang gusto mo, Rez?" tanong sa kaniya ni Colt bago ito umorder ng mulled wines. "Nutmeg kasi ang gusto ko. Pero meron din sila ritong cinnamon at cloves. May dried fruits din such as raisins, apples and orange rind."
"Raisins na lang, please," sagot ni Reza.
Nanatili siyang nakaupo sa tabi ni Colt habang inoorder nito sa bartender ang mulled wines na dadalhin nila sa garden, kung saan ay allowed na uminom ang mga turista. Pagkatapos nilang magpakasawa sa ice skating kanina, dinala naman siya ni Colt dito sa Christmas Market. Isa ito sa pinakamalaking street festival sa buong mundo kung saan ay pini-features ang iba't ibang food and merchandise na nagmula pa sa iba't ibang panig ng mundo.
"Nilalamig ka?"
Napakislot si Reza nang bigla siyang inakbayan ni Colt at ka
