CHAPTER 70
"D-Dito? Dito, Miguel?" marahas na tanong sa kanya ni Allana nang huminto na ang sasakyang pinagmamaneho niya.
Agad din siyang napalingon sa kinauupuan ng dalaga nang marinig niya ang naging reaksyon nito. Hindi niya maiwasan ang pagsilay ng isang matamis na ngiti mula sa kanyang mga labi. Iyon ay sa kabila ng isang nagtatakang reaksyon mula kay Allana. Sa wari niya pa ay parang hindi ito makapaniwala na sa lugar na iyon niya ito dinala.
He can't help but to smile. Nangyari na ito noon. At ang mismong mga salitang binitawan ni Allana ay ang mismong mga sinabi din nito sa kanya noon.
He remembered that night. Ni hindi man lang nawala iyon sa kanyang isipan. Iyon ang unang beses na si Allana mismo ang nag-aya sa kanya na kumain sila sa labas, bagay na pinaunlakan naman niya. N
